Tuesday, December 20, 2011

ಬೆಂಗಳೂರು


ಹಣದ ಹೊಳೆಯಲಿ ತೇಲಬೇಕೆಂಬ ಭ್ರಮೆಯಲಿ
ಈ ಮೂಲೆಯಿಂದಾಮೂಲೆಗೈದು ಕೆಲಸವ ಮಾಡುವರು
ಹರಕು ಮಾಸಿದ ಬಟ್ಟೆ ತೊಟ್ಟವರ ನಡುವಿನಲಿ
ಹಣವನೇ ಮೈತುಂಬ ತೊಟ್ಟವರಿಹರು

ದಿನಪೂರ್ತಿದುಡಿದು ರಸ್ತೆಬದಿಯಲಿ ಊಟ ಸವಿವವರು
ತಂಪನೆಯ ಕಛೇರಿಯಲಿ ವಿದೇಶಿ ನೈವೇದ್ಯ ಸವಿವವರು
ಪಿಜ್ಜಾ ಹಾಟುದಾಗೆಂದು ಸ್ಟೇಟಸ್ಸು ಮೆರೆವವರು
ಬ್ರಾಂಡು ಬ್ರಾಂಡೆಂದು ಹಣದ ಮಳೆ ಸುರಿವವರು

ಸಂಬಂಧಗಳ ಮರೆತು ತಂತ್ರ-ಅಜ್ನಾನದಲಿ ಕಳೆದವರು
ಆಂತರಿಕ ಭಾಂದವ್ಯ ಮರೆತವರು ಅಂತರ್ಜಾಲದಲಿ ಮೋರೆ ಕಾಂಬವರು
ಗಂಡ ಹೆಂಡತಿ ಮುಖವ ವಾರಕ್ಕೊಮ್ಮೆ ಕಾಂಬವರು
ಸಿನೆಮಾ ಪಾರ್ಟಿ ಎನುತ ತಮ್ಮವರ ಮರೆತವರು

ಹತ್ತು ಹೆಜ್ಜೆಗಳಾ ನಡೆಯರೀ ಮೊಂಡು ಜನರು
ಸಂಜೆ ಬೆಳಗೆನದೆ ಜಿಮ್ಮೊಳಗೆ ಮೈಮರೆವವರು
ಒಣದ್ರಾಕ್ಷೆ ಸಿಹಿಯೆಂದು ಭ್ರಮೆಯಲಿರುವವರು
ನಮ್ಮೀ ಬೆಂಗಳೂರಿಗರು ಸಂತೃಪ್ತ ಮಹಾಜನಗಳಿವರು...

ಸ್ವಾರ್ಥಿ...





ನಾನು ಸ್ವಾರ್ಥಿ...
ದಿನಬೆಳಗೆದ್ದು ಬಿ ಎಂ ಟೀ ಸಿ ಬಸ್ಸಲಿ
ಸ್ಪರ್ಧೆಯಲಿ ಬಿದ್ದೆದ್ದು ಸೀಟುಗಿಟ್ಟಿಸುವವ ನಾನು ಸ್ವಾರ್ಥಿ
ಹೊಂಡಗುಂಡಿಯ ರಸ್ತೆಗಳ, ತೆರೆದ ಮೋರಿಗಳ
ಹೊಲಸು ರಾಜಕಾರಣಿಗಳ ಬೈಯುತ್ತ ದಿನಗಳೆವ ನಾನು ಸ್ವಾರ್ಥಿ

ಕಾಲನೆಳೆಯುತ್ತ ಕಛೇರಿಗೆ ನಡೆಯುತ್ತ
ಕಾಲಹರಣವಗೈದು ಕೆಲಸ ಮಾಡುತಲಿರ್ಪ ನಾನು ಸ್ವಾರ್ಥಿ
ರಸ್ತೆಯಲಿ ಬಿದ್ದ ಕಸದ ರಾಶಿಯ ನಾತಕ್ಕೆ ಮೂಗ ಮುಚ್ಚುತ,
ಕಂಡರೂ ಕಾಣದೊಲು ನಡೆವವನು ನಾನು ಸ್ವಾರ್ಥಿ

ಮಹಾನಗರದಲಿ ಬದುಕುವವ ನಾನು
ಮಾಲೀಕ ಹೇಳಿದ ಬಾಡಿಗೆಯ ಸುರಿದು ಮತ್ತೆ ಸಂಬಳಕೆ ಕಾವ ನಾನು ಸ್ವಾರ್ಥಿ
ಹಗಲು ದರೋಡೆಯ ಗೈವ ಆಟೊ ಚಾಲಕರ ಬೈದು
ಮತ್ತದೇ ಆಟೊ ಅನಿವಾರ್ಯದಲಿ ಏರಿ ಅಲೆದಾಡುವವ ನಾನು ಸ್ವಾರ್ಥಿ

ಗೆಳೆಯರನು ಸೇರಿ ಗಂಭೀರ ಚರ್ಚೆಯಲಿ
ದೇಶದವ್ಯವಸ್ಥೆಯ ಬಗ್ಗೆ ಕೊರೆದು ಬದಲಾವಣೆಯು ಬೇಕೆಂಬೆ ನಾನು ಸ್ವಾರ್ಥಿ
ಕಟ್ಟಕಡೆಗೆನ್ನ ಪುಟ್ಟಮನೆಹೊಕ್ಕು ರಾತ್ರಿಯಲಿ
ಹೆಂಡತಿಯ ಬಿಸಿಯಪ್ಪುಗೆಯಲಿ ಮಲಗುವವ ನಾನು ಸ್ವಾರ್ಥಿ

Monday, August 29, 2011

ಗೋಮಾತೆ...

ತಾಯಂತೆ ಪೂಜಿಪರು ಉತ್ತಮರು ಧರೆಯೊಳಗೆ
ಕಡಿದು ತಿನಲೆಂತು ಮನಬರುವುದಣ್ಣಾ
ಧನ,ಧಾನ್ಯ,,ಜಲ, ಮಣ್ಣ ದೇವರೆಂದೆನ್ನುವೆವು
ಹಾಲುಣಿಸಿದವಳ ನೀ ಕೊಲುವೆ ಹೇಗಣ್ಣಾ ?


ವೇದಪಾದೆಯೊ ಇವಳು, ಹೊರುವಳೋ
ಮೂವತ್ತ ಮೂರು ಕೋಟಿ ದೇವತೆಗಳನು ?
ಗೊತ್ತಿಲ್ಲ ನಾನಿದನು, ಆದರೊಂದನು ಬಲ್ಲೆ
ಬಯಸಿಲ್ಲ ಯಾರಿಗೂ ಕೇಡನಿವಳು

ತಾ ನಡೆದ ಭೂಮಿಯನೆ ನಂದನವ ಮಾಡುವಳು
ನೋಡು ಕಣ್ಣಲಿ ಇವಳ ಮಾತೃತ್ವ ತುಂಬಿಹುದು
ಇವಳ ಮೈ ರೋಮದಲಿ ಸಂಜೀವಿನಿಯೆ ಅಡಗಿಹುದು
ಸುಮ್ಮನ್ಯಾತಕಿವಳ ನೀ ಬಲಿ ಪಡೆವೆಯಣ್ಣಾ ?

ಹುಟ್ಟಿ ಸಾಯುವ ವರೆಗು ಕಪಟವನೆ ಅರಿಯಳು
ನಿನ್ನ ಹೊಟ್ಟೆಗ ತನ್ನಮೃತವ ಸುರಿವಳು
ಕಂದನನು ಸಾಂತ್ವನ ಪಡಿಸುತ್ತ ಪೊರೆವಳು,
ಕೊನೆಗಾಲದಲಿ ಮಾರುವುದೇ ಕಿಲುಬು ಕಾಸಿಗೆ ಇವಳ..

ಬನ್ನಿರೆಲ್ಲರು ಇಂದು ಶಪಥ ಕೈಗೊಳ್ಳೋಣ
ಮಾತೆ ಇವಳನು ನಾವು ಉಳಿಸೋಣ
ಆಕೆ ಕಿವಿಗಳಿಗೆ ಕೇಳುವೊಲು ಕೂಗಿ
ರಕ್ಷಿಪೆವು ನಿನ್ನ ನಾವ್ ಎಲ್ಲ ಒಂದಾಗಿ...

Tuesday, August 23, 2011

ವೃತ್ತ ಪತ್ರಿಕೆಯಿಂದ ಗಾಂಧಿ ಟೋಪಿ ರಚಿಸುವ ವಿಧಾನ How to make a Gandhi Topi from a news paper



How to make a Gandhi Topi from a news paper.

ವೃತ್ತ ಪತ್ರಿಕೆಯಿಂದ ಗಾಂಧಿ ಟೋಪಿ ರಚಿಸುವ ವಿಧಾನ



1.Take a news paper and fold it from the center as shown in the next picture.

೧.ವೃತ್ತ ಪತ್ರಿಕೆಯನ್ನು ಮುಂದಿನ ಚಿತ್ರದಲ್ಲಿ ಕಾಣಿಸಿದಂತೆ ಇರಿಸಿ ಮಧ್ಯದಿಂದ ಮಡಿಚಿಕೊಳ್ಳಿ







2.Fold the small portion of the upper part as shown above.


೨.ಮೇಲೆ ಕಾಣಿಸಿದಂತೆ ಸ್ವಲ್ಪ ಭಾಗವನ್ನು ಮತ್ತೊಮ್ಮೆ ಮಡಿಚಿಕೊಳ್ಳಿ





3.Turn the newspaper and again fold the same way


೩.ವೃತ್ತ ಪತ್ರಿಕೆಯನ್ನು ತಿರುವಿ ಮತ್ತದೇ ರೀತಿಯಲ್ಲಿ ಮಡಚಿ






4.As shown above hold this portion and open the news paper. Now you should have a seperate portion which would be the center of our Gandhi Topi.


೪.ಈಗ ದೊರಕಿರುವ ರಚನೆಯನ್ನು ಹಿಡಿದು ವೃತ್ತಪತ್ರಿಕೆಯನ್ನು ಬಿಡಿಸಿಕೊಳ್ಳಿ.ಚಿತ್ರದಲ್ಲಿ ಕಾಣಿಸಿದಂತಹಾ ರಚನೆ ನಮ್ಮ ಗಾಂಧಿ ಟೋಪಿಯ ಮಧ್ಯಭಾಗವಾಗಿರುತ್ತದೆ,ನಿಮಗೆ ಬೇಕಾದ ಅಳತೆಗೆ ಇದನ್ನು ಹೊಂದಾಣಿಕೆ ಮಾಡಿಕೊಳ್ಳಬಹುದು.





5.Hold the news paper making sure that the portion is inside.


೫.ನಾವು ರಚಿಸಿದಂತಹಾ ರಚನೆ ಮಧ್ಯದಲ್ಲಿ ಅಡಗಿರುವಂತೆ ವೃತ್ತ ಪತ್ರಿಕೆಯನ್ನು ಮೇಲಿನ ಚಿತ್ರಗಳಲ್ಲಿ ತೋರಿಸಿದಂತೆ ಮಡಚಿಕೊಳ್ಳಿ.





6.Fold the left and right corners , as shown in the above pictures.

೬.ಮೇಲಿನ ಚಿತ್ರಗಳಲ್ಲಿ ತೋರಿಸಲ್ಪಟ್ಟಂತೆ ಎಡ ಮತ್ತು ಬಲ ಮೂಲೆಗಳನ್ನು ಮಡಿಚಿಕೊಳ್ಳಿ.




7.Fold the news paper from the bottom as shown

೭.ವೃತ್ತ ಪತ್ರಿಕೆಯ ತಳ ಭಾಗದಿಂದ ಮೇಲಕ್ಕೆ, ಚಿತ್ರದಲ್ಲಿ ತೋರಿಸಿದಂತೆ ಮಡಚಿ



8.Keep the previous fold and fold it to make it touch the top.

೮.ಹಿಂದಿನ ಮಡಿಕೆಯನ್ನು ಬಿಡಿಸದೇ ಮತ್ತೊಮ್ಮೆ ಪೂರ್ತಿಯಾಗಿ ಮಡಚಿ.



9.Turn the news paper and fold the corners as shown in step 6, then fold the sides as shown in the above pictures.

೯.ವೃತ್ತ ಪತ್ರಿಕೆಯನ್ನು ತಿರುವಿ ಮತ್ತು ೬ನೇ ಕ್ರಮಾಂಕದಲ್ಲಿ ತೋರಿಸಿದಂತೆ ಮೂಲೆಗಳನ್ನು ಮಡಚಿ,ಬಳಿಕ ಚಿತ್ರದಲ್ಲಿ ತೋರಿಸಿದಂತೆ ಬದಿಗಳನ್ನು ಮಡಚಿ




11.As done earlier in step 7, fold from the bottom, as shown in the picture.

೧೦.ಬಳಿಕ ಹಿಂದಿನಂತೆಯೇ(step7) ಕೆಳಗಿನಿಂದ ಮೇಲಕ್ಕೆ ಸ್ವಲ್ಪ ಭಾಗವನ್ನು ಮಡಚಿ.




12.Fold the remaining porion also to cover till the top.

೧೩.ಉಳಿದ ಭಾಗವನ್ನೂ ಮೇಲೆಯವರೆಗೆ ಮಡಚಿ.





13.Open the fold little bit and lock it as shown.

೧೩.ಮಡಚಿದ ಭಾಗವನ್ನು ಸ್ವಲ್ಪ ಬಿಡಿಸಿಕೊಂದು ಅದನ್ನು ಚಿತ್ರದಲ್ಲಿ ತೋರಿಸಿದಂತೆ ಜೋಡಿಸಿ ಭದ್ರಪಡಿಸಿಕೊಳ್ಳಿ.






14.Now your gandhi hat is ready.

೧೪.ಈಗ ನಿಮ್ಮ ಗಾಂಧಿ ಟೋಪಿ ಸಿದ್ಧ.




Monday, August 8, 2011

ಯಕ್ಷಗಾನದ ನಾದಶಿಲ್ಪಿ - ಮುಂಡಪ್ಪಣ್ಣ

ಯಕ್ಷಗಾನವನ್ನು ಪ್ರೀತಿಯಿಂದ ಅಸ್ವಾದಿಸುವ ನಾವು, ಯಾವತ್ತಾದರೂ ಆ ಸುಮಧುರ ನಾದವನ್ನು ಹೊರಡಿಸುವ ಚೆಂಡೆ-ಮದ್ದಳೆಗಳನ್ನು ಆಸಕ್ತಿಯಿಂದ ತಯಾರಿಸಿದವರು ಯಾರು ಎಂಬ ಬಗ್ಗೆ ಯೋಚಿಸುತ್ತೇವೆಯೋ...

ಹಾಗಿದ್ದಲ್ಲಿ ಅಂತಹ ನಾದಶಿಲ್ಪಿಯೊರ್ವರು ಇಲ್ಲಿದ್ದಾರೆ. ಮಂಗಳೂರಿನ ಹೊರವಲಯದ ವಾಮಂಜೂರಿನ ತಮ್ಮ ಮನೆಯಲ್ಲೇ ಚೆಂಡೆ-ಮದ್ದಳೆಗಳ ಮಧ್ಯೆ ಕುಳಿತು ತಾವು ಮುಚ್ಚಿಗೆ ಮಾಡಿದ ಚೆಂಡೆಯನ್ನು ಪ್ರೀತಿಯಿಂದ ನುಡಿಸುತ್ತಿರುವ ಮುಂಡಪ್ಪಣ್ಣ ನ ವೀಡಿಯೋದ ಸಂಕಲೆ ಯಕ್ಷಗಾನಾಸಕ್ತರಿಗೆ ....

ಸರಳ ಸಜ್ಜನ ಮುಂಡಪ್ಪಣ್ಣ ಎಲೆಮರೆಯ ಕಾಯಿಯಂತೆ ಕಲಾಸೇವೆಯಲ್ಲಿ ನಿರತರಾಗಿದ್ದಾರೆ. ಸದಾ ಕಾರ್ಯಪ್ರವೃತ್ತರಾಗಿರುವ ಇವರ ಬಳಿಯಲ್ಲೆ ಕೆಲವಾದರೂ ಚೆಂಡೆ-ಮದ್ದಳೆಗಳು ಪ್ರತೀ ನಿತ್ಯ ಕಾಯಕಲ್ಪಕ್ಕೊಳಗಾಗುತ್ತವೆ..
ಇವರ ಶ್ರಮವನ್ನು ಶ್ಲಾಘಿಸುವ ಸಣ್ಣ ಯತ್ನ...




ನಿಮ್ಮ ಅಭಿಪ್ರಾಯ