ನರೇಂದ್ರ ಮೋದಿ ಅಭಿನಂದನಾ ಗೀತೆ

ನರೇಂದ್ರ ಮೋದಿಯವರ ಪ್ರಮಾಣವಚನ ಸ್ವೀಕಾರ ಸಂದರ್ಭದಲ್ಲಿ ನಮ್ಮದೊಂದು ಅಭಿನಂದನೆ. ಮಿತ್ರರಾದ ರಂಗನಾಥರು ನನ್ನ ಕೋರಿಕೆಯ ಮೇರೆಗೆ ಯಕ್ಷಗಾನೀಯ ಶೈಲಿಯಲ್ಲಿ ಹಾಡಿದ್ದಾರೆ , ಕೇಳಿ ಆನಂದಿಸಿ. ನರೇಂದ್ರ ಮೋದಿ ಅಭಿನಂದನಾ ಗೀತೆ

ಬಂದನಿಂದು ಭಾರತಾಂಬೆ ಭಾಗ್ಯೋದಯ ಚಂದ್ರನು
ದುಷ್ಟರೊಡಲ ದರ್ಪ ಹರಿವ ಕಾಲರೂಪಿ ಭೀಮನು
ಶಿಷ್ಟ ಜನರ ಪೊರೆದು ಧರ್ಮವನ್ನು ಕಾಯ್ವ ಧೀರನು
ಬಿಂಕದಿಂದ ಮೆರೆವ ಭ್ರಷ್ಟರನ್ನು ತುಳಿವ ರುದ್ರನು
ಸರ್ವ ಜನರ ಮಾನಸದಲಿ ಮೆರೆಯುತಿರುವ ಮನುಜನು
ಭರತ ಭೂಮಿಯುನ್ನತಿಕೆಯ ಕಾಯ್ವೆನೆಂಬ ಆಣೆಯಿಟ್ಟು
ಆರು ವೈರಿಗಳನು ಮಣಿಸಿ ಸರ್ವಶ್ರೇಷ್ಠ ಪದವಿಯತ್ತ
ಈತನಿಂದು ಪಯಣಹೊರಟ ಸರ್ವ ಜನರ ಮತದಲಿ
ಒಂದೆ ಗುರಿಯು ಒಂದೆ ಕರೆಯು ಸ್ವಾರ್ಥರಹಿತ ಕಜ್ಜವು
ಸರ್ವಭಾರತೀಯರೇಳಿ ಚಿಂತೆಗಳನು ದೂರಮಾಡಿ
ಬಂದನಿಂದು ಅಂಬೆ ಮುಕುಟಮಣಿಯ ಕಾಯ್ವ ಸರ್ಪನು
ಇಳೆಯ ಸಕಲ ಕೊಳೆಯತೊಳೆದು ಶುಭ್ರವಸನವುಡಿಸುವಂಥ
ಪರಮ ಋಷಿಯ ಪೋಲ್ವ ಮಹಿಮ ಈತನನ್ನು ಹರಸಿ ಎಲ್ಲ
ಇಂದು ಧರನ ವಾಣಿವರನ ಸಿರಿಯರಸನ ಕರುಣವಿರಲಿ
ಮಾತೆ ಶಾಂಭವಿ ಕಾಯಲಿವನ ಸರ್ವ ಪ್ರಿಯ ನರೇಂದ್ರನ...

ಲನಾಭಟ್ಟ-೨೬-೦೫-೨೦೧೪